سوال: میں نے غیر مسلم دوستوں کے سامنے فون پر نکاح کیا ،میں نے کہا میں نے تم سے نکاح کیا اس نے کہا قبول ہے تو یہ نکاح ہوگیا ؟
جواب:ٹیلی فون اور انٹر نیٹ پر نکاح نہیں ہوسکتاکیونکہ نکاح کے صحیح ہونے کے لئے ایجاب و قبول کا ایک مجلس میں ہونا ضروری ہے لہٰذا ٹیلی فون یا انٹر نیٹ پر نکاح کرنے میں ایجاب و قبول کا ایک مجلس میں نہ ہونے کی وجہ سے نکاح نہیں ہوگا۔
البتہ اگر ٹیلی فون یا انٹر نیٹ پرنکاح کرنا چاہیں تو اس کا جائز طریقہ یہ ہے کہ لڑکا یا لڑکی جو مجلسِ نکاح میں موجود نہ ہو ٹیلی فون یا انٹر نیٹ کے ذریعے کسی کو اپنے نکاح کا وکیل بنالے اور وہ وکیل اس کی جانب سےدوگواہوں کی موجودگی میں مجلس ِ عقد میں ایجاب وقبول کرلے تو شرعایہ نکاح منعقد ہوجائےگا۔
یونہی یہ بھی خیال رہے کہ مسلمان مرد کا نکاح مسلمان عورت کے ساتھ ہے تو گواہوں کا مسلمان ہونا بھی شرط ہے۔
