قربانی کے جانور کتنی اقسام کے ہوتے ہیں؟

سوال: قربانی کے جانورکتنی اقسام کے ہوتے ہیں؟

 جواب: قربانی کے جانوروں کی تین اقسام ہیں ۔

1:بکری ، 2: گائے ، 3:اونٹ۔

       ہدایہ میں ہے:

       ’’والا ضحیۃ من الابل والبقر والغنم لانھا عرفت شرعا‘‘

       اوراضحیہ(یعنی قربانی کے جانوروں میں سے)اونٹ،گائے،اوربکری ہیں۔اس وجہ سے کہ شرعاًیہی معروف ہیں۔

(ہدایہ ،ج4،ص449) 

       ٭بکری میں اس کی تمام اقسام شامل ہیں مثلاًنر،مادہ،خصی اورغیرخصی ،بھیڑاوردنبہ سب اس میں شامل ہیں۔اوربیل،بھینس گائے میں شمارہیں ان کی بھی قربانی ہوسکتی ہے جیساکہ عنقریب ان کی تفصیل آئے گی۔

(قربانی کے احکام از شیخ الحدیث مفتی عرفان احمد عطاری مدنی)