وال: ایام تشریق سے کیامراہے اوریہ کب سے کب تک ہیں؟  

جواب: ایام تشریق سے مرادگیارہ،بارہ اورتیرہ ذی الحجہ کے دن ہیں۔اس لئے کہ تشریق کے معنی ہیں گوشت کے ٹکڑے کرنااوردھوپ میں خشک کرنااورچونکہ ان دنوں میں اہلِ عرب قربانی کے گوشت کے ٹکڑے کرکے خشک کرتے تھے اس لئے ان کوایامِ تشریق کہتے ہیں۔

       ردالمحتارمیں ہے:

       ’’ان التشریق تقدیداللحم وبہ سمیت الایام الثلاثۃ بعدیوم النحر،اھ‘‘

       تشریق گوشت کے ٹکڑے بناکرخشک کرنے کوکہتے ہیں۔اسی وجہ سے یومِ نحرسے بعدکے تین ایام کوایامِ تشریق کہتے ہیں۔

(ردالمحتار علی درِمختار،کتاب الصلوٰۃ،ج3،ص61)

       المنجدمیں تشریق کامعنی بھی اسی مفہوم کے ساتھ بیان کیاگیا:

       ’’التشریق ھی ثلاثۃ ایام بعدعیدالاضحی لان لحوم الاضاحی تشرق فیھا،اھ‘‘

       ایامِ تشریق عیدالاضحی کے بعدتین دن ہیں اس لئے کہ قربانی کاگوشت ان دنوں میں خشک کیاجاتاہے۔

(المنجد،ص523،دار الاشاعت،کراچی)

(قربانی کے احکام از شیخ الحدیث مفتی عرفان احمد عطاری مدنی)

سوال:تکبیرِ تشریق کسے کہتے ہیں؟

جواب:تکبیر تشریق یہ ہے:

 

’’ اَللہُ اَکْبَرْ اَللہُ اَکْبَرْ لَآ اِلٰـہَ اِلَّا اللہُ وَاللہُ اَکْبَرْ اَللہُ اَکْبَرْ وَلِلّٰہِ الْحَمْدُ ‘‘

(قربانی کے احکام از شیخ الحدیث مفتی عرفان احمد عطاری مدنی)