سوال: روزے کی حالت میں اگرکھانے کی ڈکار آجائے تو کیا اس سے روزہ ٹوٹ جاتا ہے ؟
جواب: ڈکارآنے سے روزہ نہیں ٹوٹتا،اگرچہ ڈکار کے ذریعے منہ میں آنے والے کھانے کے کچھ ذرات کو نگل لیا ہو ۔
ہاں اگروہ قے کی صورت اختیارکرجائے توپھرقے آنے پرروزہ ٹوٹنے کے بارے میں حکم شرعی یہ ہے کہ روزے کی حالت میں قے منہ بھر سے کم ہوتو اس سے روزہ نہیں ٹوٹتا،اگر قے منہ بھر ہو تواس سے روزہ ٹوٹنے کے لئے دو شرطیں ہیں (1) قصداً منہ بھر قے کرنایا بلاقصدہونے والی منہ بھر قے کوقصداً واپس لوٹانا۔ (2)روزہ یاد ہونا۔بیک وقت ان دونوں شرطوں کاپایاجانالازمی ہے اگران میں سے ایک شرط بھی مفقود ہوگئی یعنی نہ پائی گئی تو روزہ نہیں ٹوٹے گا۔
