سوال: سوئم کا کھانا جائز ہے یا نہیں ؟
جواب: میت کے گھر تین دن تک ہمارے ہاں جو بطور ضیافت کے کھانا پکایا جاتا ہے اس کا اغنیاء کوکھاناناجائز ہے کہ دعوت خوشی میں ہوتی ہے جبکہ یہ غم کا موقع ہے ،فقراء کے کھانے میں حرج نہیں البتہ اس میں بھی دعوت کے اہتمام سے بچنا ضروری ہے۔
ساتویں ، دسویں،چالیسویں اوربرسی وغیرہ پر میت کے ایصال ثواب کے لیے جو کھانا پکایا جاتا ہے اس سے بھی اگرچہ غنی کو بچنا چاہئے، لیکن اس کا کھانا غنی و فقیر دونوں کے لئے جائز ہے ۔
فقیروں میں تقسیم کرنے کے طور پر ایصال ثواب کیلئے کھانا بنوانے میں بھی اس بات کا خیال رکھنابھی ضروری ہے کہ کوئی بالغ شخص اپنے مال سے بنوائے میت کے مال سے ورثاء کی اجازت کے بغیر بنواناجائز نہیں نیز ورثاء کی اجازت بھی اسی وقت معتبر ہوگی جبکہ تمام ورثاء بالغ ہوں ورنہ اگر کوئی نابالغ وارث ہے تو اسکے حصہ میں اجازت معتبر نہ ہوگی۔
