سوال: ٹیلی فون اور انٹر نیٹ پر نکاح کی شرعی حیثیت کیاہے اور فون یا انٹر نیٹ پر نکاح کرنے کاطریقہ کیا ہے
جواب: ٹیلی فون اور انٹر نیٹ پر نکاح نہیں ہوسکتاکیونکہ نکاح کے صحیح ہونے کے لئے ایجاب و قبول کا ایک مجلس میں ہونا ضروری ہے لہٰذا ٹیلی فون یا انٹر نیٹ پر نکاح کرنے میں ایجاب و قبول کا ایک مجلس میں نہ ہونے کی وجہ سے نکاح نہیں ہوگا۔
البتہ اگر ٹیلی فون یا انٹر نیٹ پر نکاح کرنا چاہیں تو اس کا جائز طریقہ یہ ہے کہ لڑکا یا لڑکی جو مجلسِ نکاح میں موجود نہ ہوٹیلی فون یا انٹر نیٹ کے ذریعے کسی کو اپنے نکاح کا وکیل بنالے اور وہ وکیل اس کی جانب سےدوگواہوں کی موجودگی میں مجلس ِ عقد میں ایجاب وقبول کرلے تو شرعایہ نکاح منعقد ہوجائےگا۔