سوال: کیا نبی کریم صلی اللہ علیہ وسلم کے والدین مسلمان تھے؟
جواب:سر کارصلی اللہ علیہ وسلم کے والدین کر یمین طیبین طاہرین بے شک مسلمان تھے ، بلکہ حضور صلی اللہ علیہ وسلم کے تمام آباء واُمہات آپ کے والدین کر یمین سے لے کر حضرت آدم وحوا علیہما الصلوٰةوالسلام تک مذہب صحیح میں مو من ،اہل اسلام وتوحید تھے۔
اس مسئلہ میں اعلیٰ حضرت مولانا شاہ احمد رضا خان علیہ الرحمۃ الرحمن کا ایک محققانہ رسالہ بھی ہے جس کا نام ”شمول الاسلام لاباء الکرام”ہے۔ جس میں آپ نے نہایت ہی مفصل و مدلل طور پر یہ تحریر فرمایا ہے کہ حضورعلیہ الصلوٰۃ والسلام کے آباء و اجداد موحد و مسلم ہیں۔یہ رسالہ فتاوی رضویہ جدیدجلد نمبر 30میں بھی موجود ہے۔آپ اسکا مطالعہ کرسکتے ہیں۔
