سوال:اگرکسی نے قربانی کے لئے گائے خریدی اوروہ دودھ بھی دیتی ہوتواس دودھ کاکیا کرے؟
جواب: قربانی والے جانور کا دودھ دوہنا مکروہ و ممنوع ہے۔اگرجانور دودھ والا ہے تواس کے تھن پر ٹھنڈاپانی چھڑکیں کہ دودھ خشک ہو جائے اوراگراس سے بھی کام نہ چلے تو اس جانورکادودھ دوہ کر صدقہ کردیں۔
دُرمختار میں ہے:
’’ ویکرہ الانتفاع بلبنھا قبلہ‘‘
اورجانورکوذبح کرنے سے پہلے اس کے دودھ سے نفع حاصل کرنامکروہ ہے۔ ( دُرمختار ،ج9،ص476)
فتاوی عالمگیری میں ہے:
’’وان کان فی ضرعھا لبن ویخاف ینضح ضرعھا بالماء البارد فان قلص والا حلب وتصدق ‘‘
اوراگرجانور کے تھنوں میں دودھ ہے۔اوراس کے نکلنے کا خوف ہے۔تواس جانورکے تھنوں پرٹھنڈاپانی چھڑکے اگرتوتھن خشک ہوجائیں تو ٹھیک ورنہ اس کا دودھ دوہے اوراسکو صدقہ کر دے۔
(عالمگیری ، ج5،ص301)
(قربانی کے احکام از شیخ الحدیث مفتی عرفان احمد عطاری مدنی)
